“Любуюся словам”
Чарговае пасяджэнне клуба “Класікі і сучаснікі”, якое прайшло 20 лютага 2018 года , было прымеркавана да Міжнароднага дня роднай мовы. Удзельнікі гуртка пад кіраўніцтвам выкладчыка Герасімовіча І.М. дэманстравалі творчы праект “Любуюся словам”. Вядучыя мерапрыемства Гадулька Максім і Радчук Алена расказалі гасцям пра багацце, чысціню, выразнасць і мілагучнасць беларускай мовы. Навучэнцы Мальгін Максім, Шчарбіна Станіслаў, Суша Яраслаў, Тарасенка Дзяніс, Лапіцкі Міхаіл, Радзюк Кірыл, Дзянісік Ілья, Краўчанка Анастасія, Бабровіч Яраслаў, Навацкі Уладзіслаў, Дзебяляк Ганна, Навіцкі Эдуард, Міхайлаў Аляксандр, Новікаў Марат прачыталі выказванні класікаў пра родную мову, узнёсла і пранікнёна выканалі вершы беларускіх паэтаў, прысвечаныя нашаму нацыянальнаму скарбу.
На выстаўцы, якую падрыхтавалі супрацоўнікі бібліятэкі, былі прадстаўлены слоўнікі, працы мовазнаўцаў, а таксама кнігі паэзіі, падораныя каледжу аўтарамі.
Свята прайшло у цёплай і ўрачыстай абстаноўцы, госці мерапрыемства выказалі ўдзячнасць стваральнікам праекта.